एउटै खेलमा ४३ गोल खाएपछि जर्मनी गोलकिपर प्रहरी फन्दामा - see more
कुनै पनि गोलकिपरलाई ४३ पल्ट आफ्नो गोलपोस्टमा गोल छिरेको घटनाले मन कति कुटुक्क होला? यो सबैले अनुभव गर्न सक्छन्। यस्तै एउटा दूर्लभ घटना घटेको छ, जर्मनीको एउटा तल्लो लिगमा। जसका कारण गोल खाने गोलकिपरविरूद्ध अपराधको मुद्दा दायर भएको छ।
भर्खरै जर्मनीमा भएको एउटा लिगमा कसैले कल्पनै नगरेको कीर्तिमान कायम गर्ने क्रममा पिएसभी ओबेरहाउसेन क्लबले एसभी भोन्डेरोर्टलाई ४३–० गोलले पराजित गर्यो।
जर्मनी पत्रिका एक्सप्रेसका अनुसार ओबेरहाउसेनले पहिलो हाफमै ३५ गोल ठोकिसकेको थियो। जसका कारण दोस्रो हाफपछिको खेलमा भोन्डेरोर्टको क्षेत्रमा ८ खेलाडी मात्र देखा परे। पहिलो हाफको नतिजापछि ३ खेलाडी मैदानमा प्रवेश गर्न मानेनन्।
प्रत्येक २ मिनेटमा गोल खाएका भोन्डेरोर्टको गोलकिपर मार्को कोइटेक यो घटनालाई बिर्सन चाहन्थे।
तर, खेल सकिएको ५ दिनपछि डोर्टमुन्डदेखि ३० माइल पश्चिममा पर्ने बोट्रोपमा अभ्यासरत रहेको बेला छानबीनका लागि प्रहरीले मार्कोलाई गाडीमा हालेर लग्यो। २५ वर्षिय गोलकिपरलाई दुईवटा गाडीमा आएका प्रहरीले स्थानीय प्रहरी चौकीमा पुर्याएका थिए।
प्रहरीले उनीसँग के–के विषयमा सोधपुछ गरिरहेको छ, त्यो विवरण बाहिर आएको छैन्। उनको मोबाइल पनि प्रयोगमा आएको छैन्।
0 comments